TalimPro online ta’lim platformasi · Oxirgi yangilanish: 2026-yil 13-oktabr
Bu sahifada TalimPro hisobingizni (akkauntingizni) qanday o‘chirish, 30 kunlik muddat va qaysi ma’lumotlar
o‘chirilishi yoki saqlanishi tushuntiriladi. Qoida TalimPro ilovasi (Android, iOS) va talimpro.uz sayti uchun
bir xil. Xizmat ko‘rsatuvchi: "ABSCOM" MChJ (TalimPro).
1. Hisobni qanday o‘chirish mumkin
TalimPro ilovasini yoki talimpro.uz saytini oching va hisobingizga kiring.
Profil → Sozlamalar bo‘limiga o‘ting.
Sahifa oxiridagi «Hisob» kartasida «Hisobni o‘chirish» ni bosing.
Ochilgan oynada nima bo‘lishini o‘qing va tasdiqlash uchun maydonga O‘CHIRISH deb yozing.
«Hisobni o‘chirish» tugmasini bosing.
2. 30 kunlik muddat
Hisobingiz darhol yopiladi va barcha qurilmalardan chiqasiz.
30 kun ichida telefon raqamingiz bilan (SMS kod orqali) qayta kirsangiz, «Hisobingiz <sana> da
o‘chiriladi. Bekor qilasizmi?» deb so‘raladi. «Ha, bekor qilish» ni bossangiz hisob tiklanadi: tarif,
progress va ballar saqlangan bo‘ladi (kunlik faollik seriyasi — streak — uzilishi mumkin).
30 kundan keyin hisob va unga bog‘liq ma’lumotlar butunlay o‘chiriladi.
Istisno: hisob qoidabuzarlik sababli (masalan, akkauntni boshqaga berish yoki testlarda aldash)
bloklangan bo‘lsa, u 30 kundan keyin avtomatik o‘chirilmaydi — tekshiruv yakunlanguncha saqlanadi va
administrator qaroridan keyin o‘chiriladi.
Shu telefon raqami bilan yangi hisobni faqat eski hisob butunlay o‘chirilgandan keyin ochish mumkin (ba’zi
xizmat raqamlarida — qo‘llab-quvvatlash orqali).
30 kunlik muddat tugab, hisob o‘chirilgandan keyin uni va undagi ma’lumotlarni tiklab bo‘lmaydi.
3. Nima o‘chiriladi
Ism, telefon raqami, profil ma’lumotlari (viloyat, maktab, tug‘ilgan sana va h.k.) va profil surati;
test natijalari, darslar progressi, ballar va reytingdagi o‘rningiz;
yutuqlar (medallar) va sertifikat hujjatlari;
chat xabarlari, sharhlar va savollar bo‘yicha shikoyatlar;
bildirishnomalar va so‘rovnoma javoblari;
kurslarga a’zolik va ularga kirish huquqi.
So‘rov yuborilgan qurilmadagi ilova ma’lumotlari (yuklab olingan darslar keshi) darhol tozalanadi. Boshqa
qurilmada esa — u yerda qayta kirib, «Yo‘q, chiqish» ni bosganingizda tozalanadi (ilovani telefondan o‘chirib
tashlash ham uni tozalaydi).
4. Nima saqlanadi (ism va telefon raqamisiz)
To‘lov yozuvlari va tarif o‘zgarishlari jurnali — summa, sana, tarif / kurs va to‘lov tizimidagi
tranzaksiya raqami. Ular ismingiz va telefon raqamingizsiz saqlanadi (buxgalteriya hisobi va qonun talabi).
SMS xarajati yozuvlari — telefon raqamisiz.
Xavfsizlik jurnali — ichki texnik identifikator va telefon raqamining oxirgi 2 raqami bilan (ism yo‘q).
Ma’lumotlar xavfsiz zaxira nusxalarida qisqa muddat qolishi mumkin.
5. Avtomatik bekor qilinmaydiganlar
Telegram’dagi yopiq kanal a’zoligi — kanaldan o‘zingiz chiqasiz.
6. Ilovaga kira olmasangiz
mathchannel2002@gmail.com manziliga hisobingiz telefon raqami bilan yozing. Administrator xuddi shu 30 kunlik
o‘chirish so‘rovini sizning nomingizdan qo‘yadi.