TalimPro online ta'lim platformasi · Oxirgi yangilanish: 2026-yil 30-oktabr
Ushbu shartlar "ABSCOM" MChJ (TalimPro) platformasidan foydalanish qoidalarini belgilaydi.
Platformaga kirish yoki undan foydalanish — ushbu shartlarni qabul qilish hisoblanadi.
Ular Ommaviy oferta va Maxfiylik siyosati bilan birga amal qiladi.
1. Akkaunt
Akkaunt shaxsiy va faqat bitta foydalanuvchiga tegishli.
Login/parolni yoki kirish huquqini boshqalarga berish, sotish yoki ulashish taqiqlanadi.
Akkaunt orqali sodir etilgan barcha harakatlar uchun foydalanuvchi javobgar.
2. Intellektual mulk
Platformadagi barcha o'quv materiallari — video darslar, jonli dars yozuvlari, testlar, savollar, matnlar,
dizayn va brend — "ABSCOM" MChJ (TalimPro)ning intellektual mulki bo'lib, mualliflik huquqi bilan himoyalangan.
Foydalanuvchiga faqat shaxsiy ta'lim maqsadida, tarif doirasida foydalanish huquqi beriladi.
3. Qat'iyan taqiqlangan harakatlar
Foydalanuvchiga quyidagilar taqiqlanadi:
Video yoki boshqa kontentni yuklab olish, nusxalash, ekranga yozib olish (screen record);
Kontentni tarqatish, qayta sotish, ommaga namoyish etish yoki uchinchi shaxslarga berish;
Akkauntni boshqalar bilan ulashish yoki bir akkauntdan ko'p kishi foydalanishi;
Test savollari/javoblarini ommaga yoki boshqa platformalarga chiqarish;
Platformada foydalanuvchilar guruh chatiga xabar, yechimlarga izoh, jonli dars chatiga xabar va sharh yozishi mumkin.
Bunday kontentga nisbatan nolga tolerantlik (zero tolerance) siyosati amal qiladi. Quyidagilar taqiqlanadi:
boshqa foydalanuvchini haqorat qilish, kamsitish, ta'qib qilish;
tahdid va zo'ravonlikka undash;
spam, reklama va begona havolalarni tarqatish;
odobsiz yoki noqonuniy kontent joylashtirish.
Har bir foydalanuvchi:
istalgan xabar, izoh yoki sharhga shikoyat qilishi mumkin — kontent yonidagi «⋯» tugmasi orqali;
boshqa foydalanuvchini bloklashi mumkin: bloklangan foydalanuvchining xabarlari, izohlari va sharhlari sizga
ko'rinmaydi. Bloklash haqida u xabardor qilinmaydi. Blokdan chiqarish — Profil › Sozlamalar › «Bloklangan foydalanuvchilar».
Shikoyatlar moderatorlar tomonidan 24 soat ichida ko'rib chiqiladi. Qoidabuzar kontent o'chiriladi,
qoidabuzarning akkaunti esa bloklanishi mumkin.
5. Buzilish oqibatlari
Ushbu shartlar buzilganda "ABSCOM" MChJ (TalimPro) akkauntni ogohlantirishsiz bloklash huquqiga ega,
bunda to'langan summa qaytarilmaydi. Qonun buzilgan hollarda Ijrochi qonuniy choralar ko'rish huquqini saqlaydi.
6. Javobgarlik
Xizmat "boricha" (as is) taqdim etiladi; muayyan natija (attestatsiyadan o'tish) kafolatlanmaydi.
Ijrochi foydalanuvchi tarafidagi internet/qurilma muammolari uchun javobgar emas.
Foydalanuvchi kontentni noqonuniy tarqatib yetkazgan zarar uchun shaxsan javobgar.
7. O'zgartirishlar va aloqa
Shartlar yangilanishi mumkin; yangi tahrir saytda e'lon qilingan kundan kuchga kiradi.
Savollar: mathchannel2002@gmail.com · Telegram @attestatsiya_online · talimpro.uz